ماادري اشبي ماعرفت النوم والا النوم وشبه ..؟!
كنّه مشبه على زولي وانا مشبه عليه ..!
لا التقينا حول موقد [ذكرك] انسامرك صحبه ؛
وان بديت آحرّك أعوادك غدا يشعلك تيه ..
أشرب [الموعد] فـ حانات السهر واهديك نَخبه ؛
واتسكع في شوارع [غيبتك] بين الوجيه ..!
واحلم آخطط أسافر بالزمن من غير رهبه ..
وجهتك تقرب لخطواتي على عكس الوجيه ؛؛
شوفني عايش ورا لقيا السراب اشتقت قربه
بُعدك يصور سراب اللاش اقرب منك لِيه ..!
قبل ينهش [جرحك] احلامي ويترك فيه ندبه ؛
قبلما احطم قيود ايديّ واقيّد يديه ..؛
قبلمااْصحى من سهر [طيفك] والاقي الليل كذبه ؛
وانت تتشبث بـ اطراف المسا تبكي عليه ..
خلّني بـ اْحلم كثير افاق [حلمي] معك رحبه
ما يضيقك [صدر] تسكن فيه لو ما صرت فيه ..!
كني المسجون في دار الأرق والقيد غربه
فيه سجاني تمنى النوم لكن ما يجيه ..؛
لو تمد بكسرة [اللقيا] لـ رمش يعيش كربه
كان ما يتعب ما دام بجيتك تحسن إليه ..!
آخر المشاركات
03-03-2014, 07:11 AM
حانات السهر ..!
العرض الشجري