[ ياخي مدامك طلي كمِّل حياتك طلي ]

[ناصر حطاب الدهمشي]

السلام عليكم و رحمة الله و بركاته ..



لا صرت إبن عم و كتفك ما يدخِّن علـي
........................ كتفي بترته يـَ لو شفتـه يدخِّـن عليـك

أبك أنت واطي و صدرك بالخساسة ملـي
........................ عامين استِّر عليك و لا قويـت أحتويـك

من خسِّتك لـَ اذكروا لك اسمي قمت اتغلي
........................ يا شين و الله لو إنـي ذابحـن و الديـك

إهجد لا و الله لـَ اجْلي لك ضلوعك جلـي
........................ بالشعر , و إن طال صوتك و الله إني لجيك

كنت ابلع الكايـدة واقـول ذا مـن هلـي
........................ كنت إن حكوا بك أبيع وجيههم و اشتريـك

لكن حسافة طلعت إمْـن المراجـل خلـي
........................ منت إبِّـناخي و لاني يا الردي من ذويـك

شرواك يزهى على وجهه نقـاب و حِلـي
........................ مير اقضب العِلْم .. خلّ أمك تحنِّـي يديـك

حاولت أجنِّبـك وِ هْروجـك فلتنـي فلـي
........................ إلين صدري جحيمـه أشـرت لـك تبيـك

ما عاد ينفع معاك الحِلم .. جاك الصلـي
........................ من شاعر ٍ يطحن اعظامك قبل لـَ يْهجيك

ياخي مدامك طلـي كمِّـل حياتـك طلـي
........................ مالك و مال السبـاع الله يرضـى عليـك

نافذة :
مشكلة لا غديت إنسان طيِّـب حبيـب
......................والعالم اللـي حوالينـك قليلـة حيـا
إكلاب و الكلب ذيله مايلن لين يشيـب
......................لـ اقفيت كلِّن نبح وان جيت ناس أنقيا
لابوك يا شارب ٍ ما تنبت ابوجه ذيـب
......................ولابوك يا لحيه إبقهر الرجـال إتحيـا

للجميع ..
.
.
ناصر حطاب الدهمشي