(( حتــى السحـابـه ))

[سعود الزلع]

السلام عليكم ورحمة الله وبركاته

متواضعـه جداً,, للتواصــل ,, والعشم ان تلقلى لو القليل من رضا قلوبكم الطاهره..

,

,

,

مالوم غصن الورد.. لامال كذاب
يميل صوبك كل قصدهـ يشمك

حتى السحابه تنتـثر ديم واعجاب
سواة غصن الورد تبغى .. تزمك

شف النسيم شلون من نسمتك ذاب
يذوب هايم من هوى انفاس فمك

والبسمله سمت عليك ولها اسباب
خافت تهــافت من بــلا العـين يمـك

يعني بصراحه: كل مافيك جذاب
حتى العسل خالط كريات دمك

ماتدري انك وسط عيني والاهداب
في كل لحظه لابغيتك اضمك

لاتنزعج من ضم الاهداب ترتاب
اجلس تربع يالغلا .... لايهمك

وان شفت مجلاسك بالاجفان ماطاب
لك مجلسٍٍ في .. وسط قلبي يلمك

فيه المشاعر شوحت لك بترحاب
تركض فرح صوبك تجيك وتخمك

ليتك تعرف شلون تغليك بأسهاب
والله ازود من غلا احساس امك

كله محبة قلب مشتاق الاحباب
ابطى عطش محروم من فيض جمك