عزيز النفس في دنياه شاف امن الحياه اهوال !

[عبدالمحسن العتيبي]

متــواضعه اتمنى ان تنال اعجـــابكم !
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
على ذاك الحنين الي يغني للسهر موال = ابكتب لك قصيده من خيالن طول اسباته
خيال الشاعر الي عاش ما يطرد سراب اللال = يعيش بواقعه لو العطش قد جرح اشفاته
عزيز النفس في دنياه شاف امن الحياه اهوال = ولا احدن لد في قلبه ولا احدن لملم اشتاته
تعب واحتار بالدنيا ودمعه للهوى ما سال = وضحك باللي علشان المحبه يكتب اوصاته
كتب من نابع الاحساس فكره والبيوت اجزال = وعطرها بباقة ورد للي ساكنن ذاته
دعاه الهاجس بطيفك ولبا للسهر لو طال = يمر الليل كله في هيام وشوق ماباته
تبي تعرف سبب واحد لحرفه يوم جاء مختال = لانك لك ثلاث اشهور تسكن داخل ابياته
ولكن وش يفيده من بيوته والشعر لازال = تحشرج في خفوقه وان كتب لك زاد ضيقاته
ثمثلتي بعينه ونرسم لك بالحشاء ثمثال = يعيش بصيغة الغايب وهذا اكبر معاناته
انا لولا الملامه منك وخشى هرجة العذال = كتبت اسمك على كل القصيد وصرت راياته
الا يا حبي المجهول كيف ارسم عليك امال = وكيف اتعيش في قلبي وما تحسن مراعاته
ابيك اتكون لي غصنن ليا هب الهوى لي مال = تعيش بداخل القلب الشقاوي وانت نبضاته
تحس بلوعته في عينك الي للهوى مرسال = قبل يبدى كلامه معك ترجمها بنظراته
ترا قلب الشقاوي بالهوى لا حصل الاهمال = قضى عمره شقى عايش على جلباب حسراته
اكذب من يقول ان الهوى يا اهل الهوى قتال = ولا احدن مات بسباب الهوى من قبل ساعاته
واصدق من يقول ان الهوى لاحل بك غربال = وقلبك كل ما تذكر ولفيك زاد دقاته
يداعبنا هوى الغربي ولاندري على اية حال = كذا الدنيا تقلبنا ولا احدن نال مشهاته [/poem]!

 

[محمد عوده البلوي]

حالة عشق نقيّه وجميله في هذا النص



نص في منتهى العذوبه والروعه


مصداقية مشاعر تتحلا بها ادق تفاصيل النص



صح لسانك



تحياتي لك وتقديري

 

[عبدالمحسن العتيبي]

المشاركة الأصلية كتبت بواسطة محمـد البلوي

حالة عشق نقيّه وجميله في هذا النص



نص في منتهى العذوبه والروعه


مصداقية مشاعر تتحلا بها ادق تفاصيل النص



صح لسانك



تحياتي لك وتقديري

الجميل حضورك اخي محمد


صح بدنك ولا هنت على حضورك الجميل


مودتي

 

[خلف المهيلان]

الغالي عبدالمحسن فعلن
حب غير حب الله
شرك ولكن
بعض الحب فعلن يدهور الانسان
رغم ان الصدق به انقرض
وماعدى مكالمه وتسليه وبلتوث وقليلين هم الي
صادقين ويحبون من قلب
كن بخير ياعذب
ودي وغلاي لك

[/quote]

 

[عبدالمحسن العتيبي]

خلف المهيلان



شاكر لك مرورك

 

[عبدالله العويمر]

عبدالمحسن

جَمِيْل ُ ُ هَذا النّبض ، وشفّاف

سِلِم قَلْبك ، وحَرْفك

دُمت بِود

 

[عبدالمحسن العتيبي]

المشاركة الأصلية كتبت بواسطة عبدالله العويمر

عبدالمحسن

جَمِيْل ُ ُ هَذا النّبض ، وشفّاف

سِلِم قَلْبك ، وحَرْفك

دُمت بِود

الجميل وجودك


صح كلك يا عبدالله


مودتي

 

[محمد الغشام]

:

:

عبدالمحسن العتيبي
نبض راقي وهادىء وجميل..

عاطِر التحايا