الكويت + المقناص = صفر !!

[سعد مسهوج]

بلا مقدمات .
.
.

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحة بالضبط بعد التراويح=اهل القنص ابدو عليّ المشوره
قالوا تجهز والجماعة طواريح=وكل ٍ على ما قيل معروف دوره
شروا الحضور رجال طيب وطحاطيح=والكل برهن يوم نطلع حضوره
الين . . رحب سلفها بالمفاتيح=درنا بها بالدبدبه كم دوره
لين القمر عيا نشب المصابيح=ومن فضل ربي اكتفينا بنوره
من بيننا وبين النجوم التلاويح=والليل ابدا في لقانا سروره
سعة صدر نجني عليها المرابيح=يحيي بها الرجال نوبة فتوره
ريح قهوه مع صوت طق المسابيح=على النقا وابليس تقصر شروره
لا اسلحة ولا هم شيل التصاريح=الين ما السواق قلّط سحوره
وبعد الفجر للصيد جهمة مراويح=نمشي على الله والعيون محكوره
ابلج زراق الصبح وابلج تباريح=الارض بور ويعكس الجو بوره
يا كثر ماشفنا جيوب المشافيح=ويا قل صيد الوقت لوهو بشهوره
لا ما كسبنا غير شوف الزحازيح=وهذي تكفي ..والكويت معذوره
لا صار بالمقناص شروا المفاليح=نطلع لو ان القاع مبطي مخبوره[/poem]
.
.
.
اخوكم
سعد مسهوج العلاطي

٢٦/٩/٢٠٠٨ م

 

[ناصر حطاب الدهمشي]

صح الله قلبك يا سعد

شاعر جميل و مُلِم بالأوزان و الألحان ..

وش موديك للدبدبة مابها اللي تنقش به سنك .. ليه ما كسرت يمّنا للشمال الصيد مكوّم ..
والله يا جتنا قبل إسبوع أجوال قميري تاخذ العقل ..
لو إنّك جاينا شادين بهالجيب لمناطق تشرح الصدر صيد و شعر
و رجال ٍ شرواك يا سعد ..
<< كل يوم سحوره قميري .

بناخيك
0
0
ناصر الدهمشي

 

[سعد مسهوج]

المشاركة الأصلية كتبت بواسطة ناصر حطاب الدهمشي

صح الله قلبك يا سعد

شاعر جميل و مُلِم بالأوزان و الألحان ..

وش موديك للدبدبة مابها اللي تنقش به سنك .. ليه ما كسرت يمّنا للشمال الصيد مكوّم ..
والله يا جتنا قبل إسبوع أجوال قميري تاخذ العقل ..
لو إنّك جاينا شادين بهالجيب لمناطق تشرح الصدر صيد و شعر
و رجال ٍ شرواك يا سعد ..
<< كل يوم سحوره قميري .

بناخيك
0
0
ناصر الدهمشي

هلا بالبناخي

يا بعد راسي يجيب الله مطر
وروحة لكم ما تنعاف وشفقان عليها والله
بذن الله اذا سمحت الظروف نبي نغزي الشمال


شكرا يالغالي على ردودك الطيبة اللي تثلج الصدر
بمنتدى ابعاد اللي يحبون القنص انا وانت اظاهر

شكرا شكرا شكرا

 

[فيصل الحلبوص]

سعد مسهوج


القاع ممحله ولا بها العود حتى الطيور هربت

بالكويت ألا شي بسيط : ) الله يجيب الخير


صح لسانك قصيدة جميلة



مودتي لك يا سعد


كل عام وأنت بخير

 

[سعد مسهوج]

المشاركة الأصلية كتبت بواسطة فيصل الحلبوص الشمري

سعد مسهوج


القاع ممحله ولا بها العود حتى الطيور هربت

بالكويت ألا شي بسيط : ) الله يجيب الخير


صح لسانك قصيدة جميلة



مودتي لك يا سعد


كل عام وأنت بخير

هلا بشمر كلها

يابعد راسي يالله يرزقنا

لاهنت يالذيب


وكل عام وانت بخير وتقبل الله طاعتك