الـبـــنـــفـــســـج ...!!

[بدر الحنيف]

أسعد الله اوقاتكم .. بــكــل خــيـــر ..

//

والله لأمشي بالشعـر اليـن مثـواه الاخيـر
امـا فتحـت الدايـره والا تـدور الـدايـره

شعر ٍ بغيرك حاشيه .. شعر ٍ تغنابـك اميـر
يا اخت البها وام الحسن منك العذارى غايـره

..... وصار // لأماني درب حـدد لـي مصيـر
في قلب مسرح نار لكـن مـا رفـع ستايـره

ماكنك الا البرد وانفاس الشتاء .. والزمهرير
كتلة لحم بارد .. عـروق الـدم فيهـا فايـره

وانا بشر دم ولحم قلب واحاسيـس وضميـر
وشلون اقاوم شوفتـك بالنـور هـذا زايـره

تحفه .. لا والله ترفة ٍ بقدومها مـات الحريـر
مغايره .. بيـن الصبايـا .. طلتـك .. مغايـره

اشوفك وكاتم ورى قلبي حكي شـوق ٍ مثيـر
مثل البنفسج طلتك .. والنفس منـك حايـره

بنفسجي .. بنفسجي .. نكهه وطعم وشكل غير
خلطة حلا .. على حيا .. وجه ٍ نثر بشايـره

ما بين عينك وألتفاتتها .. فضاء ٍ فيـه اطيـر
من فوق واقعنا المرير .. اللي ضفا خسايـره

بعيونك القا بث موجات الغـلا عبـر الأثيـر
نفوذهـا فـي قلـب بيّـح للبشـر سرايـره

فرّجة قدومك .. فرّجة المليون في ضيق الفقير
اللي يعاني من زمانـه .. والديـون الجايـره

واقدومك الحريه اللي عانقـة وجـه الاسيـر
من عقب سجنه بالجفا .. واشواق قلبه ثايـره

تدرين .. مهما قلت وحروف المعاني تستديـر
انتي سوات المعنويـه فـي قـواي الخايـره

واللي خلق يا غاليه .. مالك وسط قلبي خشير
قصيدة ٍ ُتكتـب ولا ترضيـك .. والله بايـره



:،،،