ياعتيمي ..

[تغريد الغامدي]

ياعتيمي...

عاتبيني لو تباطيتك ارق
وسامحيني لوشكيت من الجراح
لو لقانا حلم او سطر بورق
ابتسرقك مني تباشير الصباح
للعتيم الفجر او ماطر برق
ولابقى لي يا العنا كثر اللي راح
ماهقيت انك على مفرق طرق
تتبعي المقفي وتهديني وشاح
يا غلاك اللي من القلب انسرق
وصرتي اغرب من على هالعين لاح
ليت من يرحل مثل موج غرق
او مثل رمل تبدد في البراح
وليتها الذكرى غريب لي طرق
نوفي بحقه ونطلبه السماح
اعذريني لو لك الشوق احترق
للفتيل اطراف كفي والرياح
يا عتيمي لو بك المعنى نطق
واشتعل ذكرك بقلبي واستضاح
بهجره حرفي وحبري والورق
واكسر اغصان عليها الورق ناح


مصافحة أولى علّها راقت لذائقتكم