جِدَارِيّات..!

[سعيد الموسى]

على الحائط الأول :
*
*
شاب
عشريني مكافح !
يمسك
بإيده جريــده !
باايده اليسرى
قلم !
وداخل أشفاهه سجاره !
والجريده !
في يمينه !
يقلب الصفحه : تهاني !
وآخر الصفحه
تعازي !
مرر بموته لســـانه !
كم يموت بكل شهقه ؟
اتكى جنب الرصيف !
والقلم
يحمل يِده !
يوصل
لحد الــغضب !
حادث
بمهد الذهب !
والسبب
حفرة [ خشب ] !
مرر بموته شفاهه
كم يموت بنصف زفره !
إتكى في جنب آخر
والقلم بأوسط يِده !
يوصل لحد العجب !
كاتب ويمدح مدير !
مادرى من هو المدير !
يمكن لأنه فقير !
مرر بموته شفاهه !
كم يموت بكل [ نفثه ] ؟
يقلب الصفحه يسار !
والقلم يمسك يده !
.
.
تلفت إيدينه عباره !
مصنع لبيع الزكام !
يطلب اثنين
وفقط !
والشروط : أسهل شروط !
المؤهل : جامعي !
ولازم الرخصه بعد !
وفوقها دبلوم عام
خبرك : المصنع / زكام !
وخبره : لخمسة سنين !
يُشترط:
لازم وسيـــم !
ولازم :
إثنين لكفــاله !
وأربعه :
عند اللزوم !
وتحت
بالبنط العريض !
الأجنبي !
رخصه فقط !
مرر شفاهه لحلقه !
وإنحبس موت السيجاره !
يبكي ويرمي الجريده !
يقطع الشارع بحزنه !
وتصدمه bmزرقاء !
والقلم طاح , وتكسّر !
.
.
.
باكر بنفس الجريده !
إقرؤا آخر خبر !
شاب عشريني إنتحر !

*
ــ
*
على الحائِط الثاني :

[ 1 ]
يحمل بوجهه كتاب !
فاسقه ... تروي غُراب ْ !

[ 2 ]
.
.

أول القصه :
سَرير !
أوسط القصه :
زَفير !
آخر القصــه !
ُمثير !
.
.
[ 4 ]

يفتح الفهرس
ويِهرس !
تنعق بْطولـــه : عِباره !
[ إنت ماعندك خوات ؟ ]
يقفل كتاب الوجوه !
يصعقه
رسم الغلاف !
فاسِقه
تلبس عفـــاف !

[ 5 ]
.
.
يرمي كتاب الدعاره !
يسقط ويطلــع غباره !
وتسقط أوراق ٍ كثــار !
بينها ... دفتر زيــاره !
رحله لبــار ٍ قديم !
يحمل الذكرى بكفّــه !
يعقد الحاجب يتمتم !
ماأصدق ...
ماأصدق !

[ 6 ]
ينظر لوجــه الروايه !
يمعن لصوت الـزياره !
راقصة بار الغواية !
تكتب فصول الروايه ؟

[ ..... ]

ألف شُكراً ياثقافه !
ألف شُكراً للصداره !
ضِعف شكراً للطباعه !
كثر مافيهــا فوائد !

*
ــ
*
الحائِط الثالث :

مابين تأويلك
ومابين [ بينك ] !
سجادتين ...وسبحة
وصوت خافت !
تسترحم إيدينك على راحتينك !
وشفاهك العطشى
على الـ خد نافت !

.
.
ويمرّك النسيان ساعة
ثواني !
تستدرج أفكارك ...
وتفتح ... شبابيك !
هنا تشوفك
تحمل الريح .... وأدنى !
وهناك تلمح طفل لاهي
معه .... حزن !
يعزف معاه الناي
ترتيل وخضوع !
وتمرّ بك لحظه ... ولحظه
وتسرح !
يسبح خيالك بين تأويل ... وأقصى !
كنّك تشوفه يكبر
ويكثر الجوع !
وافواه مفتوحه تبي صفعة [ الطّز ]
يبيع حزنه والخساره سنينه !
والرابح بهذا
تفاصيل .... واسماء !
مابين ذلك تشرق الشمس
وتغيب !
كم ليل يمضي
لين شاخت به الآه ! ؟
يفرش سنينه
ويتلحف دموعه !
فالجانب الآخر / ثمن لقمته
ناس !
متعربدين وخمرهم نهتة أطفال !
متشردين بقصر
زُخرِفْ [ فقارى ]
مليان به صوت المجن
والمسرّات !

واقصى الرصيف المنسي
شيوخ يبكون !
.
.
تقفل شبابيكك وتصفع يدينك !
ويطيح تأويلك !
من العين ... عصفور !
يمكن يطير !
ويمكن يصيده الجوع !

*
*

الحائِط الرابع :

[ ........... ]

.
.
شُكراً