(( هطول الندى ....!!! ))

[نايف الروقي]

"

بسم الله الرحمن الرحيم

كل الاجلال ....!!!
والاعتذار عن المغيبه
اليكم ..!!!!

.....(( هطول النـــــــــــــــــــدى )) .....
""
:
.

:
مدري علام الندى ماعاد بلل ضماي
يوعد بقطرة نداه ولاتهاتف ندى
"
مع فجة الفجر ناديته وعود نداي
شوق ٍ بقلبي يشوقني لآخر مدى
"
مشاعر الغيم فاضت واستباحت سماي
هتانها صوتي الراعش بليا صدى
"
وحيد تحت المطر واعزف من الآه ناي
عابر سبيل الامل والليل توه بدى
"
ياليلي الحالك المبهم بنظرة رجاي
لاتنبش الجرح نزف الجرح توه هدى
"
الضيف انا ما سألت الجوع لقمة عشاي
انام جايع وبكره جرح غيره غدى
"
ياليل حقه وانا حقي وابسط مناي
مرارة الصبر لاجله لاتولي سدى
"
داهمني البرد في عضمي وشتت دفاي
واقول ياليل لاجله كل شئ ٍ فدى
"
لكن تمادى وقيده ماقونه يداي
وانا الذي ماهقيت انه يسوق الردى
"
مادام هالجرح زرعي واسقي الجرح ماي
طير الحزن فوق غصن الجرح ضج الشدا
"
مشيت والكون ثابت حركه منتهاي
ووقفت خلف الظلاله قبل وجه الهدى
"
اسوق هالجرح قدمي والمنايا وراي
اهيجن الاوف زفره وان كتمته حدا
"
الروقي ..ن..