بحــــــر الشوق

[صالح الثبيتي]

[POEM="font="Simplified Arabic,5,white,bold,normal" bkcolor="darkred" bkimage="" border="none,4,gray" type=2 line=0 align=center use=ex num="0,black""]مالي شواطي في بحر الشوق ترسيني = وش نية الموج اخاف الشوق خداعي
حلفتك الله تقول الصدق تنجيني = علمني لو كنت ناوي تغرق شراعي
ان كان في نيتك اغرق وترميني = يا موج جيتك شهيد الشوق منصاعي
عجزت اخفي لهيبك وانت كاويني = ما بيك تسال ضلوعي وشهي اوجاعي
يا دانة البحر يا مكحولة العيني = يا شيء يصعب على الربان ما طاعي
من يعشقك يركب الأمواج ما يليني = يركب خطرها وخوفه ينزع انزاعي
من صافي البن دنيلي وقهويني = اروي ضمى خافقي يا زين الاطباعي
اباعسفك دام جيتي في مياديني = بعلمك فن تدليلي مع اقناعي
بلبسك من شراييني وغطيني = ودفي معي كانها جتلي على اطماعي
اروي عرق جبهتي مادام تضميني = لجلك رميت الشراع وبان شّراعي
دلوعةً جسمها ضيع عناويني = من شعرها لين ما نوصل للصباعي
ضميت يدها وهي ماضمت ايديني = تلعب بصدري لها اصبحت مرتاعي
خصراً نحيلاً يبين في الفساتيني = والفم مثل التوت يطلبك قطاعي
انفاسها تحتوي ضلماي تدفيني = تفاحها يتعب الزمام يا الراعي
ودي انا اقطف عنبها دام بيديني = وشبع غرور بداخلي ياكثر ما جاعي[/POEM]

 

[ماجد صخنان العنزي]

صالح
كل عام وانت بخير



صح السانك
وصف راق لي


دمت كما انت رائع

 

[محمد الزناتي]

ضميت يدها وهي ماضمـت ايدينـي
تلعب بصدري لها اصبحت مرتاعـي
خصراً نحيلاً يبيـن فـي الفساتينـي
والفم مثل التـوت يطلبـك قطاعـي

.
الله الله
.
صح لسااااااااااااااااااااانك
.
ويسلم بوحك
.
دمت....ودام ابداعك بهذا المستوى

 

[صالح الثبيتي]

ماجد

كل سنه وانت طيب

صح بدنك اخوي شرفني تواجدك

دمت بخير

صالح الثبيتي

 

[صالح الثبيتي]

محمد الزناتي


صح بدنك وصح كلك يالغالي


سرني تواجدك

خالص مودتي

صالح الثبيتي

 

[ريم العبدالله]

ما بيك تسال ضلوعي وشهي اوجاعي

الشعر بخير

اروي عرق جبهتي مـادام تضمينـي
لجلك رميت الشراع وبـان شّراعـي

الله

مقادير من الابداع

شكرا

 

[عبدالله ثويني المانع]

..

العزيز ... القريب إلى : صـالح الثـبيتي
أهلاً بك إفتقدناك كثيراً ولا يرضينا غيابك
غرقت في بحـر الشوق ومع ذلـك وصلنا
إحساسك الجميل .. أهلاً بك في قلوبنا


لك شكري وإحترامي
دام تواصلك وتفاعلك





أرق التحايا لقلبك



..

 

[صالح الثبيتي]

ريم العبد الله

اسم كبير اجده يرد على متواضعتي

خالص الود

صالح الثبيتي