غلاك الثاني

[علي المبرد]

[poem="font="simplified arabic,5,blue,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]

يامطول غيبتك عنـي طويـت المـده=ليه ماقدمت عذرك للجفا ..واجفانـي

شف غلاك اللي بنى حالي بلحظه هده=زلزل اكبر صرح شييدته غلا وافناني

تدري انه ماتليق بكـل حـال الصـده=ماتخيلتك قويـت لبعـدي وهجرانـي

لانخلي مزح قلبك كـان خالـط جـده=قول تهواني؟ او انك ماتبي تهوانـي؟

كان ماعديتنـي راس الغـلا بالعـده=لاتخلينـي بترتيبـك غـلاك الثانـي

مين غيري دلعك وقت الرخا والشده؟=غير انا دلعتـك ودلعتـك وتنسانـي؟

يوم لبست لجمالك شعري ومـن قـده=صار حسادك وحسادي تهيم اجنانـي

صرت سيفك كل ماماريت سيف بحده=غضت للقاصي قبل يقتاض منك الداني

لين من كثر الوله قلبي تبيـح سـده=وقمت تامرني اذوب بحبك وتنهانـي

جيتني في طعنةٍ في غفلتـي مرتـده=ماتصورتك تكـون بغفلتـي طعانـي

هذي ايديني على عهد الوفـا ممتـده=بالتسامح بالغـلا لا جيتنـي تلقانـي [/poem]