متى تردين ؟

[فيصل الكردي]

وطالت رحلة علاجك
وأنا باقي
على أشواقي . .
ولا تدرين . .
كيف الوجد
يشتتني وأنا أتحراك
ولو تدرين . .
كثر ما يفقدك الورد . . !!
كثر ما تفقدك غرفتك . . !!
بغيابك . . !!
وحزن مرآيتك يعكس
على الجدران آلـاـ مـه . . !!
بدون ألـوان
وأنا أنســان
بإحسـاسـي
جلست بوحدتي أتحرا ..
مـتـى تـرديــن . . ؟
وأدعـيـلك
عسى الله يشافي آلامك . .
وأدعـيـلك
إذا بانت خيوط الفجر
وتغنت بالصباح أسراب
عسى الله يردك لـ فيصل
عسى الله يردك لـ فيصل
عسى الله يردك لـ فيصل

.

.

.

ياكثر ماعشت لحظات الذهـول

كان وقتي بين غفوهـ وإنـهـيـــار

كنت أراقب كل صالات الدخول

انتظر فرحة دخـولك للـمـطـــار

كل مانادي المنادي بالـوصــول

كنت أجي ماأملك مع الصدمة خـيـار

رغم بإنك ماوصلتي يـاجفــول

أدري إني صرت عرضه لإنـكســـار

تكتسي وجهي علامـات الذبـول

كل مايطغى على ليلي نــهـــــار

يشتكي جسمي تعب حتى خمــول

في جحيـم إللي يسمـى إنــتــظـار

دامـه ألـمح صورتك حزني يـزول

ذا العـمـر ماله بلـيـاك أعـتـبــار

يكفي إن حسيت بالآمك أقـــول

يالله تعجل شـفـاهـا بإخـتــصــار

ينتظرهـا داخلي طفـل مـلــول

آخر أيـامـه على وشـك إحتـضـــار

مابقت بـه روح وأنهكه الـنـحـول

وآخر أنـفـاسه شهق فيك إسـتــجـار !!