انتخي بي يا وصوف الشعر لا جتك الغوايـه
غاوي ومجنون خلقه بالوصوف المستحيلـه
استدر الغيم وحلب ضرعها لجـل الحكايـه
يا بسوس الحرف حد القاف لعيـون الجليلـه
والله اني كليب والزير المهلهـل والطنايـه
والله اني في شبوب الحرب شعـال الفتيلـه
شاعر الشعر الجزيل الجزل من قبل البدايـه
ولا عليكم زود صح السان من قال الجزيلـه
هلهلـي يـا بنـت لا منـي تقفيتـه سبايـه
وفزعي يابنـت للقيفـان لا سقـت الجميلـه
اضرب البحر الطويل افج موجه في عصايه
وانت يا فرعون لا تقرب ترى كفي طويلـه
هدهد سليمان مع بلقيس وش قصـد الروايـه
فسر المغزى قبل لا جيك با الشـرح ودليلـه
لايغرك حلم ابو جعفـر وتصفيـق الصبايـه
شفت ابو مسلم عليـك الله لا تصبـح مثيلـه
حائط المبكى يُقال انه لجل مسـح الخطايـه
والوصايا العشر والواح اليهـود المستطيلـه
استشفيت الزوايـا مـن خفافيـش الزوايـه
بتوضى في طهوري عن محابيـل الرذيلـه
علها تغسل لساني يوم جيتـك فـي حدايـه
يؤثم السان الشريف اللي على مثلك صهيلـه
يا هنوف القلب يا غاية منـاي ويـا هوايـه
سولفي لي جعل دمع العين ماينـزل هميلـه
علميني كيف بنسى طعنتك بقصـى حشايـه
كيف جرحي لا تشافى وين ابلقى لي بديلـه
انتحي بي شرق ولا غرب عن عين البرايـه
عيني اللي بك عصتني غير شخصك ما تخيله
لا قطعت الياس قال الياس لا تقطـع رجايـه
يرتجيك الياس لان اليـاس اعيتـه الوسيلـه
الرجاوي والمناوي والشجـن واخـر بكايـه
ساقها سافـي غيابـك عنـد بيبانـك قتيلـه
آخر المشاركات
12-19-2008, 03:07 PM
والله اني كليب والزير المهلهل والطنايه *** والله اني في شبوب الحرب شعال الفتيله !!!
العرض الشجري