رقصة البرّاق

[محمد السالم]

يرقص البرّاق في كبد السحابة

______ يفتح اجروح الزمن ويقول سمّي



يسعفه نصٍّ ؛ تجلله المهابة

______ ايه أنا عمّ الشعر والصدق عمّي


يا شجوني لك على شعري رحابة

________لا فتحت الباب لك هيا هلمّي



لي سؤال ماعَرف معنا الإجابة

________ كنه اللي واقع في دم ذِمّي



مايفرق محكمه مِما تشابه

______ يحفظ المشروح له في فكر أمّي



المشاعر طير والغياب غابة

_______ والجواب اللي بغيته مايسمّي



الغرابة وينها وجه الغرابة

______ دام وقتي اشعل الشمعة بغمّي



زفه الواقع بصدره وانتحابه

______ وجتمع غيض الزمان وراح يمّي



جرحي اللي كل حزنٍ من ثيابه

______ مثل ثوبي بعد ما جابتني أمّي



يحتطبني واقع آسن شرابه

______ تنتصب لي شرهته وتطول ذَمّي



واقع وقتي على حد الحرابة

_______ مثل ماشال الحرابة كل "قمّي"



ماعلى وجه السحاب إلا الكأبة

_______ لا هطل من سد عيني سد كمّي



يتمثل خافقي صوت الذيابة

__________ ويتعاطاها معه دفاق دمّي



اسبق اشواقي على نطع الكتابة

__________ كنها لي قُبلة ماجات فمّي



لوّ تجرد سد رَجلٍ من ثيابه

_______ ماتعدل جرئتي من فيض همّي