أحلام مخضّبة بالمشاوير ..

[حمدان روسان]

إنت ِالهوا والنافذة والعصافير
‏وانت ِ الصباح اللي تقاطر عذوبة

‏وانت ِ الثواني والسهر والنوافير
‏وانت ِ الحنين اللي سرت بي دروبه

‏وانت ِ حمامة مخضّبة بالمشاوير
‏حطت على غصن الزمان امغصوبة

‏وانت ِ المدينة الفاضلة والتباشير
‏وانت ِ الشروق اللي عصي ٍ غروبه

‏اليا متى ياحلم .. أبحث عن البير
‏في هالزمن اللي نحلني شحوبه

‏في داخلي إنسان يلهث من السير
‏وفي داخلي شاعر .. عظيمة ذنوبه

‏بغير البشر حالم .. وحلمي أنا غير
‏عذروب واحد هالبشر مالقوبه


‏

 

[سعيد الموسى]

أهلاً ياحمدان ، هذا نص تبدأ به صباحك كأغنية
تجوب الفضاء وتتمايل لها الأغصان .. وتتبلل بها الشطآن
قصيدةٌ مثل هذه تأتي أغنية لاتحتاج لأغنية
-
هذا نص يستحق ان يشفع لك غيابك ، كم نحن بحاجة شعر كهذا

 

[حمدان روسان]

هلا وغلا سعيد
الوصول لذائقتك انجاز
اسعدتني الله يسعدك
شكرااااا على هذا المرور النور

 

[عبدالإله المالك]

هنا عذوبة شعرية يا حمدان
أبيات تستحق الوقوف والتأمل

 

[حمدان روسان]

عبدالإله المالك
ومرورك العذب
يستحق أن أقف له تقديراً وعرفاناً

 

[تفاصيل منسيه]

إنت الهوا والنافذة والعصافير
‏وانت ِ الصباح اللي تقاطر عذوبه
..
.
لطيفة هي قصائد الصباح العذبه ,,
كان مروري صدفه راقت لي
صح لسانك ..

 

[همس الحنين]

الصدف تأتي بالجمال
راقيه تحمل رقة الصباح