اوراق مبعثرة!!!

[محمد علي الثوعي]

٠١ليلة البارح.افكر ..بالعمر..كيف.. المصير
ليش هذا صار واقع.. لاحلال. .ولا حرام
٠٢اتقلّب في ..فراش ٍ..ملمسه.. ناعم.. مثير
نامت اعيون.. الاوادم. وانا عيني ماتنام
٠٣ياثقل حمل ٍ اشيله يتعب اكتافي كثير
ورغم هذا في عيوني تصغر أمور ٍجسام
٠٤الشعر ..يحمل قضيه..والمشاعر تستثير
وقفته . ماهي بسيطه بالمهمات العظام
٠٥والقصيده.. مثل بنتي قدرها عندي كبير
ما تنازل عن.. شرفها .دام في كفي حسام
٠٦الذهب. ملبوسها.والماس وانواع الحرير
قطعةٍ .. مني .. وفيه .. كل مافيها تمام
٠٧لاح برق ٍ.بالسما واحترت ماشفت البشير
ارعدت ولا امطرت . يارب تجلي هالغمام
٠٨يارفيق العمر واسمع كلمة الرجل الخبير
من سما بالنفس يرقى ماتعرض للملام
٠٩لاتردت بك ظروفك. والزمان اصبح مرير
لا تناظر . في خلافك .خل نظراتك. أمام
٠١٠مهما. تعطي للبشر . لا تنتظر رد ٍ وخير
لو تحط الراس فدوه مارضت. عنك الانام
٠١١مركز الاحداث يرسل من محطاته نذير
من تدبّر في زمانه ماتردا واستقام
٠١٢سيف عز ٍ مانسيته في يدي يلمع شطير
قاطع الحدين لكن تمت الحاله ظلام
٠١٣ ماطلبت النور من فكر المقصّر والضرير
من فقد نور البصيره ماعرف درب السلام
١٤.لا تراجع لا تخاذل لكن الموقف خطير
وانا اللي . ماتركت العز. وارخصت المقام
٠١٥وادري اني شخص عادي لاوزير..ولاأمير
مامشى قبلي حرس ولاوقف بعدي نظام!!



محمد الثوعي

 

[محمد علي الثوعي]

انامريت من.هذا. الطريق.. الشايك المجهول
قبل. عشرين..واكثر..من سنين. العمر..مريته

لقيت ان التعب اكبر من التوصيف والمعقول
وصلت..ولا وصل غير الشموخ اللي. تبنيته

ولاينزل قدر من هو..تعلى..وساعده. مفتول
وفي ...ناس ٍ.. تفاخربه ...كريم ٍ ٍ. لا تنصيته

وسيف ٍيحمله فارس بوجه المعتدي مسلول
جدير ٍ بالثقه عند المواقف يوم سليته

عرفت ان الأمل والعلم درب ٍ للعلا موصول
كثير التجربة يبرز بذل جهده وخاويته

كسرحاجز من المحظور تحدا بالفعل والقول
ثبت وقت الشدايد في حضوره ماتناسيته

رفيع القدر والهامه يشابه نايفات الطول
سبقته ماسبقني يوم ناداني وجاريته

يصعد من بغى القمه بعزم الواثق المسئول
حمل همه مثل هم ٍ مع الايام عانيته

ترى من يرفع البنيان يثبت. ساسه. المعمول
ولا يترك .طموحه من..سعى. للمجد. .هنيته

عسى ذيك المباني.مايجيها .عارض ٍ.وتزول
عقب ذاك العلو.. تصبح ..خراب ٍ ..ماتمنيته



محمد الثوعي

 

[محمد علي الثوعي]

من عام الالفين ..وسته والالم دمعه
.............متعلقه في..هدب..عيني.ووجداني
كابرت.رغم التعب..واحزان مجتمعه
............النفس ترفض ترى.صمتي.وحرماني
اشعلت شمع الفرح واداري الشمعه
............اضحك. بوجه..الزمن.. لوكان بكاني
هذي.جروحي .عليها.الروح منزمعه
...........من وين ما ارحل .ترافقني وتنخاني
اسافر السبت وارجع ..ليلة .الجمعه
.............لا القلب قلبي.. ولا همي تناساني
اصحاب. .واجد .ولكن .مابهم طمعه
..............عند الشدايد.تلاشوا كل صدقاني
ماكل معدن ذهب.. يغريني باللمعه
.............لا صارمغشوش.ما احطه بميزاني
العمر. يفنى ويبقى الطيب والسمعه
............يا كثر ما والدي بالطيب..وصاني
يقول اقدم وخل النفس مندفعه
............الخير لا تتركه موروث ..جداني
سلكت درب الكرامه واكره الرجعه
...........بين الملا واضح ٍ دربي وعنواني


محمدالثوعي