[متعب المضعان]

المشاركة الأصلية كتبت بواسطة كبرياء العتيبي

فـــــــــــــــــــالكم طيب//

تواصل جديد لقلوبكم/




[POEM="font="Simplified Arabic,5,darkblue,normal,italic" bkcolor="burlywood" bkimage="" border="outset,4,gray" type=2 line=0 align=center use=ex num="0,black""]ضاقت الليله وضاق الصدر يالخل القطوعـي=والجوى في قلب بنت الناس ينوي لـه نوايـا
إنكسر قيدي وجتك أخطاي واعلنت الخضوعي=كيف مااسوق الركاب الياك ياعذب السجايا..؟
إيه جيتك من زمان الجوع خاويتن ضلوعـي=ومن ظماي وقلّ وبل الغيـث يبسـنّ الشفايـا
ياحبيبي والليالـي حيـف والظلمـا تروعـي=لاتخليني وانا للضيـم فـي صـدري حكايـا
هج لي صدرك ومن كفينك أوقد لي شموعـي=ودفني ماأطيق بـرد الليـل وكتوفـي عرايـا
ماذخرتك غير لأوقاتٍ تشين ابهـا الطبوعـي=لاصحت في داخلي جمرتك واونست الكوايـا
ولاسكبت لغيرك من الوجد يالقاطع دموعـي=وانت جرحٍ من قديم الوقت يصلا في حشايـا
لاتصد وكبدي الليله علـى وصلـك تلوعـي=والزمان المـر يارجّـال سـوا بـي سوايـا
لاتصد وخاطري عن غيرك معيف وجزوعي=ومن قسى وقتي وشين الحظ بيحـت الخفايـا
لاتصد ولاتمنيني علـى ظـرف الرجوعـي=منت مجبور ٍٍوانا مليت مـن دمـح الخطايـا
ياحبيبي ..والظما والبرد...والظلما وجوعـي=لازبنتـك مـن سبايبهـن وخيبتـه رجايـا؟!!
ياتجيني وانت رجّالٍ على الصملـه بتوعـي=أو تروح وجعل مايبقـى لـك بقلبـي بقايـا [/POEM]
وسلامتكم

*

وانتي سالمه وغانمه


كبرياء العتيبي


اسم على مسمى


قصيدة شمخت بشموخك


ولا انكر شدة اعجابي بهذا البيت


[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ياتجيني وانت رجّالٍ على الصملـه بتوعـي=أو تروح وجعل مايبقـى لـك بقلبـي بقايـا[/POEM]


ياسلااااااااااام


والله قمة قمة قمة


اعجابي ومتابعتي الدائمة


وصح السانك الى مالا نهاية


ودمتي بشموخ