صباح الخير يا سادة..
احلم ولو قالوا ..شعنده كثير الحلوم
على الاقل صار عندك حلم مثل الكبار
ما يقتنع بالطمان.. الا ردي ..العزوم
ولا يعَشْق السما..والحوم..غير الحرار
احلم تكون الكبير اللي يسوق الغيوم
واحلم تكون الأمل في عين كل الصغار
واحلم تكون اخر انسانٍ يفكر.. يلوم
واحلم تكون الفضا والصدر صالة مطار
واحلم تكون الشجاع اللي يطيح ويقوم
وان قصّر الحظ قل .. هذا مقدّر وصار
واحلم ولو كل من حولك سقاك الهموم..
واضحك يصير الفضا كله بعينك خضار