(رسالة إلى الجوع)
ياشعر كلك على بعضك جراح
____________ والسنين الراحله صارت حفيف
ماكتبتك والحكي الليله متاح
__________ قول لي من غيرك الليله شريف؟!
وين اروح وْحزني بْصدري وشاح
__________ ومامضى من رحلتي كله مخيف
جيتني وانته الوفا والانشراح
__________ اكتبك وبداخلي صوتٍ عنيف
لوَّحت شمسك لميلاد الصباح
__________ والجياع اللي كسوا عري الرصيف
الفقارى مالهم حلم وْجناح
____________ وْسقفهم نورٍ تأمَّل به كفيف
حاجة الايام طعنة من رماح
____________مالها مْداوي يوقــَّف هالنزيف
يالضمير الحيِّ إسمع هالصياح
___________ من قبل لاتغتدي بْيومٍ ضعيف
الفقير يْنام وبْصدره جراح
________ وكل أحلامه ترى كسرة رغيف
شعر : وادرين