[علي الحسني]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

بنت ريح استنهضت غيمة مشاعر = واستقلت واستهلت وامطرت
لاح بارقها بخلاب المناظر = مع كفوف الشوق روحي روحت
قلت ياقلبي دخيلك لاتخاطر = قال ماشفت المعاليق (ا)خضعت
قلت حاول تبتعد عنها وسافر = قال حلت واستحلت و(ا)حكمت
وانبتت في روح روحي روض زاهر = عطرتني و(ا)سحرتني واحتوت
والغصون اللي دعتني قلت حاضر = أثمرت في مهجتي ثم اينعت
ياعصافير الوله في صبح باكر = حدثيني كل دنياي انصتت
ذكريني من حكت لي صوت ساحر = من عذوبته المشاعر رفرفت
يوم انا اطلب واصلي لو جبر خاطر = ماذبحني غير صوتك واستحت
ليتها تدري بحالي كيف صاير = طيفها في كل شريان انحت
كنت اكابر واظهر اني حيل صابر = لين عيني عاندتني وامطرت



[/poem]