[خلف المهيلان]

المشاركة الأصلية كتبت بواسطة محمد علي السعيد

.

.
.

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

أنا نصفين من بَر وبحر ما بيـن قفـر وجـال=توّزعت .. وغدا طالب حقوقـي مثـل مطلوبـه
يفز الساحل ان صاح البحر بـ /الدان والـ /يامال=وانا لاهـي مـع منكـوس خفاقـي ومسحوبـه
أفلّ شْراع صوتـي ليـن يبحـر منـي المـوال=ولكن كل ما اْسمع هيجنة رجـم التفـت صوبـه
تضاريس المشاعر مُبهمة في غيهـب الترحـال=أبي وجهة ولكن بوصـلات الحـدس معطوبـة!
غريب وغربتي روحي وادّور بي على منـزال=يلّـم ضْلـوع كانـت آمنـة واليـوم مرعوبـة
خلي البال قبل اعرف بأنـي مـو خلـي البـال=بعد ما اْصبح يقيني في يدين شْكوكي (إلعوبـة)!
تصادم كل ضد وضد فينـي واشتعلـت جْـدال=وعجزت اطفي لظى هذا القلق من حر لاهوبـه
أتوه ونصف عقلي مهتدي والنصف الآخر ضال=تجاذبني( طقوسي) بيـن مرفوضـة ومرغوبـة!
على هالمفترق ما اْدري أنا وين .. وعلى اية حال=فلا مدبر من اخطائـي ولا مقبـل علـى توبـة

لعلّك خير يا ركب الهجـوس النـازل الرحـال=عساك تْشيل عن متني ذنوبٍ ما هـي ذْنوبـه!!
[/poem]

.

.
.

نعم هذا الي يستحق التميز مدهش وبعد اخر تستحق بعاد بالاحتفاءبه كن بخير ود