فتحت تابوت القصايد ... وحطيت !
................. حزني ... وهمي / والشقا / و أمنياتي !
ودفنته بـ صدر الرياض / وتعديت !
................. يم الشمال ... اللي جمع بي / شتاتي !
اخايل غيومٍ / لمع وسطهن / بيت !
................. وذكرت حرف اللي حرص في وصاتي !
ومديت يديّ لـ السما / لين جريت !
................. ثوب السحايب ... والرعد / واللواتي :
صفقتهن في بعضهن / يوم ناديت !
................. و لا لقيت ... الا الشقا ... و اعبراتي !
هنا وقفت / وعن شقايه تخليت !
..................... يومٍ حكالي ... من يفسر / سكاتي !
يقول غن / وجيت لآجله وغنيت !
................. قصيدةٍ / ترقص فرح ... لـ أغنياتي !
الي متى / وانا اتلوى على ليت !
................. تبكي ... على مستقبلي ... ذكرياتي !
مليت من صوت التعاسه وحنيت !
.................. لـ الضحكه اللي ... ماتفارق شفاتي !
