يا فاتني .. يسعد مساك .. وتو مـا حلـوّ الكـلام
إحلـو .. والليـل وعيونـك .. زوّدن حـلاوتـه
تعال أسولف لك .. وأفرّش وجنتك ريـش النعـام
وأمسح على راسك وأجيب مـن الحكـي طراوتـه
وأترك عيونك .. في عيوني .. تطوي الرمش وتنام
والرمش ياخذ من عيونك .. لا إنطـوى صحاوتـه
سولف .. وخل النور يلغي بك تضاريـس الظـلام
وإستشرب بروحك .. حيـاة عروقـي المتماوتـه
وإلا بلاش ؟ إسكت ؟ وأنا أحكي بك حكايات الغرام
وإلا شرايـك نفتـرض ؟ دام النسـب متفـاوتـه
لو نفترض إن البحر .. يلثمك .. من تحت اللثـام
أكيـد ريقـك .. يشتـرط علـى البحـر نقاوتـه
ولو نفترض إن القمر .. صلا على خـدك وصـام
أكيـد يعقـد مـن صفـا خـدك أمـل صفاوتـه