قبل لا تْنَام
صَوِّرني بعينك
أخاف تْنَام
وينساني حنينك
أنا ما أضمنك وإنتَ معاي , شلون بغيابي !!
أنا لو أحْضنك يثلج دفاي , وأدبل ثيابي
عشقتك , ما فرقتك غير باحساسي
وأنا احساسي وطن ظالم ومنصف بس لعيونك
وبايعتك على الحب وعلى أنفاسي
وضحِّيت بولائي للوفا وخنته مع ظنونك
حبيبي , من هو يستاهل , يكون أسمه حبيبي ؟؟
ومن هو اللي لا عطيته كل نصيبي ما يضحِّي بي ؟؟
تعبت أتوَسَّل ظنوني ..
تخيب , وأرجع أتوَسَّل
تصيب بغيرك , وأذبل
أحاول بك , أحايل بك
تصد , وتدمع عيوني
أبعرف بس إذا ما لك معي رغبة
علامك كل ما فارقتك تنادي ؟؟
هواها النفس ولكن ما هي بلعبة
عزيز القوم ما ينذل يا غادي
وإذا قصدك تقول أتلفت له قلبه
أنا قلبي قبل لقياك في وادي
تحاوطني أمور كْثِير ..
-فرقى ما لها ملقى
-وقلب يطالبك تشقى
-وعين بدمعها غرقى
-وهَمْ كْبِير
تحاوطني أمور كْثِير
أسلّمها الخيال أحيان
وأحلم في بعض أحيان
وأغضب غالب الأحيان
وأرجع طير
أحلِّق في سما قلبك
وأعلِّق لوحة ( أحبك )
أدوِّر عن قفص حبك
ولو هو صْغِير
أنا مدري وش المطلوب منّي لجل أسوي بي
تعبت مْن التعب نفسه
ولا أدري وش أبي أصلاً
أخاف أفارقك فعلاً
وأسلِّم نفسي بيديني لروتينك
حبيبي عطني يدينك
قبل لا تْنام
أمانة لا تنام إلاّ وأنا آخر بشر شفته
عشان إن صادفك غيري بمنامك , صورتي بعينك