[خليل الاحمد الشهري]

.
.
.

لقلوبكم...


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تعبت استأصل ايامي من ايامي واجي مسرور= تعبت آمرر اعذاري على شفاهي مثل غيمة
تعبت ابارك غيابك واقول ان الغياب حضور= تعبت آغيِّب جروحي واقول ان الصبر شيمة
انا المركون في صدر السواحل والبحر ميسور=انا ذاك السراب اللي ضحك من سالفة ديمة
هنااوالحالك المضني يجي من آخري مجبور=يرتبني الوبر صبحٍ على ذيك القرى خيمة
اخيط من الأمل فَيَّة ولا القى غير ذاك السور=وهو من قلة حظوظه تهاوى قبل ترميمه
وتذكرني غصون الناس إذا كان الطهر عصفور=اجي من مشرق اخلاقي وافج نحور تعتيمه
رميت الجوع في بطن الرغيف ومَهْتنا تنور..= قبل لايمد لي يده جهرت بسر تقسيمه..
اشوف الناس من حولي ملامح من بقايا قصور=يفتت حزنها البارود تجفل لا اطلقوا ريمة
تطاولت المكان اشهق قبل لاتحتضربي دور=وقلت النعش يا فقري هنا يحتاج توسيمه
صباحك غير ياقلب تقهوى غربتي مقهور=عزفه الهيل لشفاهي وانا اتعلل ترانيمه
تخطَّفت النجوم احكام وصغت من الضيا دستور=وقلت العيب لو صبحي رضخ لـ اقوال تنجيمه
احبك ينفتح صدري بلاد وراسخات جذور=احبك ينخنق صبري بعاد وحلم ياضيمه
مابين الحب والفاقة رضخت لمعطيات غرور= لذا اخرت لك شوقي قبل لااسعى لتقديمه
احس ان الحكي جثة وصدر الحابسين قبور=عظام ونشرها صدقك وزور الحكي تهشيمه
واشوف الغيم دخانك بَياض واسوده ممطور=هيا الاشياء تتناقض كما قل الحكي قيمة
وانا مابين صداتك وسيف حظوظي المكسور= سهرت وغمد نزواتي يسامر حلم تحطيمه[/POEM]