حاولت ارسم
صورة وحده تشبهني
ولكني
عجزت اجمع ملامحها
وقمت ارسم
بقايا حلمي المكسور
رسمت الليل شباكين
وقلبي بينهم عصفور
يطير اهنا .. يطير اهناك
ويحزن لا اصطدم بالسور
ومن شباك إلي شباك
بقى تايه في هالدنيا
بقى فجره
على جنحانه البيضا .. شظايا نور
رسمت ابحور
مسافه من ظلام ونور
رسمت العاصفه حزني
وجيت اجمع .. شتات الوقت
بعثرني
لقيت اني
على يال الشقى غرفه
بلا جدران
يسكنها قلب مهجور
تخيلت الوطن قلبك
تحبني كثر ما حبك
تلون لي مساحاتي
خضار .. اشجار
عصافير ومطر وازهور
رسمتك في خيالي نور
رسمت البرد بعيونك
دفا ما يعرف يخونك
رسمتك صبح من بدري
وشميتك شذى عطري
أثاريهم .. من انفاسك
كانوا يمزجوا البخور؟
رسمتك دمعه مغبونه
رسمتك ليله مجنونه
وقبل لا تكبر اذنوبي
رسمتك ذنبي المغفور
حاولت اني ارسمني
ضحكه غادرت سني
رسمت الهم في صدري
لقيت اني.. غصب غني
يصير الحزن لي دستور
رسمت اجدار
تهزه الريح وما ينهار
ولونتك بفرشاتي
عصافيري .. أشجاري.. فراشاتي
واطلقتك بعيد هنااااااااااك..
خلف السور
سألتك
كيف ترسمني؟
أكيد الصمت جاوبني
شفت بعينك استفهام
قولي ويش تبي مني؟
سلامة قلبك الغالي
ابيك ترد لي قلبي
وبقايا حلمي المكسور