[خالد الداودي]

طار الحمام و يابس الجذع ممشوق=بلا ورق بلا حمايم بلا شيّ
وقف فوجه الريح عاري و مخنوق=و اتقطعت اْحبال مرجوحة الحيّ
مابه هنا أطفال و أمال و حلوق=تعلو بصوت و يرجع الصوت يدْوِيّ
مابه فلج يسقي ، و لابه سوى سوق=درايشه مسكرة عافها الضيّ
غريب عشت و لا تذكرت مخلوق=مد بيديه فزحمة الناس ليديّ
فيني حلم ليلٍ إلى صبحه يتوق=و فيني صباح أول علاجاته الكيّ
طغى التمدن و انسحل صوت طاروق=يا ما حدا ... لمعاتب عيونها (ميّ)
هذا انا عمرٍ رحل عاش مسروق=بلا ربع ،، بلا رفاقه ،، بلا خَيّ
عابر سبيل ٍ تهجر دروبه النوق=له ذاكره خرساء تلف طرسها الطيّ
عشر سنينٍ يحتري لمعة بروق=سحبه طيشٍ جارف لمسلك الغيّ
عشر سنين و (مسقط) شقوق و حروق=تلعب بذاكرته و تتناهشه نيّ
عشر سنين و (مسقط) افراحها موق=ضحك سنة ، و التسع ميت .. كذا حيّ!!![/poem]

خميس الوشاحي
هنا اصافحك بإمضاء حاتم منصور
الذي تناسق به الخط علوّا

انت جميل منذ عرفتك
تلبس الاشياء ديباجة خلودها في الذاكره

اهلا بك هنا
وفي القلب

سلامي لـ روحك الخلاقة

خ