[فاطمة ناصر]

مِشْتَاقَه لَك [poem=font=",6,white,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""] أشتقت لك يا ضيا عمري ولذة حياي = في حضرة الجرأه اللي منك ما هي ردى عينك تراعي عيوني وانته ماسك يداي = ويزيد نبضي وقلبي خافقه ما هدى انفاس عطرك تبادلني غلاك وغلاي = وتشيلني للسماء في صوت والا صدى ارفع لك اعلامي البيضا واجدد ولاي = واقول حبي وعشقي ما يرّوح سدى يا لذتي في زمان الشح واجمل هواي = يا غيثي اللي سقى روحي بقطرة ندى اعيش وصلك واعيش القرب وانته معاي = وان رحت هلت عيوني من ضياع الجدى يا بدري اللي تجلاّ وانفرد في سماي =يا لحني اللي يغنيني واشيله حدا يا رشفة الثلج في يابس ضماي وشفاي =اسج عن طرفك اللي له عيوني بدا مافيه في غيبة اطلالتك عقلٍ وراي = كن البشر في عيوني غي وانت الهُدى تبي الحقيقه وقول الصدق دامك مناي = العمر لو راح كله في غرامك فدا [/poem]