[عبدالله السويدان]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا تسأليني جارك اللة سؤالي=اليا حضر يذبح ثمانين خيال

ولايخدعك ضحكي تراني شمالي=ماينكشف حزنة ولا يستر الحال

وانا اليا مر الصحيح الزلالي=انا الوحيد اللي تعذب ولا زال

هذاك حلمي عايش(ن)به وغالي=وهذاك حزني بداخل الصدر يختال

وهذاك شعري واعرفة راس مالي=ماهو على كيف السلاطين ينقال

يابنت ياللي مسرفة بالدلالي=يأم العيون اللي بها في وظلال

اسف اذا عايشت فرط احتمالي=وعايشت واقع واقع انسان رحال

يابنت قولي(بيننا)وش جرالي؟=ليه الفضا ضيق وليه الشقا طال؟

وليه المواجع والبكا والعنا لي؟=وليه بحياتي شارد وضايق البال؟

وليه اتعزوا واعرف اني لحالي؟=وحيد بأحساسي ومرمي على جال؟

اقول ذا همي وحزني وفالي=وذي ذكرياتي وامنياتي والامال



يابنت ماوالله خدمني مجالي=هايم بوجهي واعرف _الكل_حيال

لكن وحق اللي عليه اتكالي=اني احبك حب يابنت بهبال

وانك معاي ودايمن في خيالي=ياللي لك بقلبي محبة ومنزال

ان غبتي انتي بغيبتك من بقالي=يامن لبستي بالطهر روح الاطفال

والله لا داله ولانيب بسالي=والفكر مرعد بي وبالصدر زلزال

وعايش ولكن غارق(ن)في سؤالي=ليه الظروف تنوخك انــــت رجال[/POEM]