[عادل الرديعان]

مصافحه أولى أتمنى أن ترتقي لذائقتكم :

القلب قلبي والسوايا سواياك
دع مايريبك للذي مايريبك
.
.
.

ياما سهر طرفي على اطياف ذكراك
ياما سريت الدرب لجل التقيبك

.
.
.

ياما بكت عيني على اطلال فرقاك
لكن كثير الدمع عيا يجيبك

.
.
.

من رحت عني بس أقلّب هداياك
وأفتح شبابيك الألم في مغيبك

.
.
.

وأنشد عصافير الغلا وين دنياك
يمكن يدور الوقت ..؟ تذكر حبيبك

.
.
.

يمكن حنين الشوق يقلب نواياك
وترد لأحضان الغلا وأحتفيبك
.
.
.


وأزرع ليالينا أمل وأتمناك
وأفضح مشاعر داخلي ترتقيبك
.
.
.


وتجيبك أشواقك على الدرب وألقاك
تمسح ملامح غربتي وأنتشيبك
.
.
.


وأذبح من غيابك عمر كان يضماك
تسقي لي عروقي وصل وأرتويبك

.
.
.

يعني كذا بالمختصر .. كلّي أهواك
جرحٍ بدابك كيف ما ينتهيبك