[وديع الأحمدي]

تحية عطرة . بكل الحب والود ..

هذا النص , كان ورقتي التي قدمتها للجنة شاعر المليون , وحصلت من خلاله على إجازة اللجنة ...

أطرحه بين يديكم , علّه يرتقي لذائقتكم ..

حياة بلا حياة

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
ملل , كل الثواني والدقايق والسنين عْتاب=نعم , غابت مسرات الحياة وذبلت ايامي
:=:
بعد ما شبعت احلامي على درب الغياب غْياب=حطبني فاس حزني والأمل ما طاوع اقدامي
:=:
يقيّدني ظلام الليل لا شمعه ولا أبواب=وكن الصبح تاركني على نزف السهر دامي
:=:
تجمّع في معاناتي: وله ضامي , وظلم اقراب=وحظ : اقسى من القطرة إذا جفت عن الضامي
:=:
يمر الشوق بعروقي , يهزّ القلب دون حْساب=على طاري الحزن شرّف يكمّل قصة اعدامي
:=:
نظمْني بين حبّات الخرز في مسبحة مرتاب=يقلبني على كيف الظنون وتكثر اوهامي
:=:
واشوفك مع ظروف الوقت تطري والطيوف اسراب=يجيني كل طيف وفي عيونه يبحر الهامي
:=:
ذكرتك بين غصات الحزن حضن , ودفا , واهداب=تعودتك : تنسيني عذابي واكبر آلامي
:=:
تعودتك : كذا دايم تضحّكني بدون اسباب= بضحكاتك على كثر الهموم تْذود وتْحامي
:=:
فقدتك , والزمن قاسي وحكمه للأسف غلاّب=ولا عندي أمل يقوى بعد ما ضاعت احلامي
:=:
بعد ما هدني شوقي وناب البعد عانق ناب=عزف ناي الألم لحنه على تنكسية اعلامي
:=:
حبيبي , تصغر الدنيا على العاشق بدون احباب=ويصبح طعمها حنظل وملح جْروحها حامي
:=:
وانا من غبت عن عيني , وناسي كلهم أغراب=يجون و يدبرون وما دريت الا عن هْيامي
:=:
وانا ما عاد يغريني سوى فكْر وْ قلم وكْتاب=تدفيني مواقيد الورق لا ضمّت اقلامي
:=:
ملل , شابت سنيني بالعتاب و ما تمل عْتاب=نعم , وش تنفع الذكرى بعد ما ذبلت ايامي؟

[/poem]

الود / الورد للجميع

تحاياي