[بسام محمد]

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يروح العمر .. لا ساحل وفا و إلا هدير إنجاز=يروح العمر .. وحظوظي ... رياح ورغبتي لوحه
يروح العمر .. والصوره خذت من هيبة البرواز=يروح العمر .. والشاعر .. طموحه ينفذ بروحه
كذا ينتابني حزن الجروح .. الغاوي المجتاز=إلين أسلوبي الموجع عجزت أصيح وأبوحه
على سكة طموحي وش بقى .. يا شايل العكاز=مدام .. إني من .. حمولي عجزت أكمل الروحه
وتجي للغصن ...مع هبة ...رياحي حالة استفزاز=و يطير الحلم مع سرب الجروح ويكتمل نوحه
بعدها ينتثر جرحي على هيئة كتب ألغاز=و أظل أسأل ياأحلامي متى الألغاز مشروحه
كأن الله خلق لي دمع في .. وسط الملامح راز=وكأني لا بغيت أضحك لقيت أشياي مفضوحه
هنا أسراري .. هنا أخباري .... هنا ترنيمة المعتاز=هنا .. غيوم العذاب .. اللي تشكل بالوجع دوحه
وهنا نفس السؤال اللي يواجهني بدون إيجاز=متى الأحلام في عينك تكون أبواب مفتوحه
وأجاوب لين أحس إني ... سجين و ينتظر إجهاز=سقى بالحلم آماله و فجأة .. تنبت جروحه
على الله خلها عادي نعيش العمر دون إنجاز=من اللي عاش .. لطموحه ... و لا هستر به طموحه[/poem]