[جزاء البقمي]

السلام عليكم ورحمة الله وبركاته


مساء / صباح الخير


من منطلق كثرة الجدل الحاصل على اللقاح المنتظر المضاد لمرض انفلونزا الخنازير المسمى ( h1n1 ) وبعد ما قرأت عن هذا اللقاح وما عرفت عنه كانت هذه التي اتمنى تنال رضاكم وتشفع لي عن الغياب وتثمر عما ارجوه ويرجو اغلبكم إليكم




[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من كثر حزني وانعزالي والالام = صرت اتقهوى ( قهوة الصبح ) ساده !

ومن جور صلفات الليالي والايام = مالوم راس ٍ حاربته الوساده !

قلب الشقي مجروح / والا الخلي نام ! = يغض عين ٍ مثل عين الجراده

لنّ الخبر .. متأزم وعاجل وهام = والجرح : ( ماله غير كف الضماده ) !

ماهيب لحية .. كيف تحقيق الاحلام ؟ = ولا هيب لحية .. وين درب السعاده ؟

لا والله ألا بين بايع وسوّام = تخطيطها المرسوم وفق ( استفاده ) !

اكبر من حدود التوقع والإلمام ! = واقسى من خضوع التقي وانقياده !

وانجس من يدين التشرذم والاوهام != وابشع من افكار الخبيث ومراده !

ياكل لحم طازج .. ويرمي لنا عظام = والسيف يذبح لا سحب من غماده

من عقب عجزه بالقنابل والالغام = وازرى علينا ينفرد بالسياده

خطط على ( الصحه ) .. وفايروسها السام = وساهم على نشره وسرعة حصاده

سلّط عليه الضوء .. واصبح ( وبا ) عام = والله يحمي من وباها عباده

وجاك ( اللقاح ) ابلا تجارب .. ولا دام = تحضيره إلا بضعة اشهر وكاده

واستنفر العالم .. وخطنّ الاقلام = ما بين مستغرب .. ومبدي إشاده

وكان ( الربيعه ) صرّح فــ كل الاعلام = عن ( جودة ) المصل الجديد ومعاده ؟

قولوله : يركز على فتح الاقسام = في كل مستشفى ومركز عياده

يرفق بنا من قبل ( توقيع الاعدام ) ! = من قبل يدمرنا ( لقاح الاباده )

من قبل يوخذ بالنواصي والاقدام = والموت يسرج في وطنّا جواده

اقولها باسم الوطن .. دار الاسلام = وعهد الولا مثبوت دين وقياده [/POEM]


دمتم بخير ابدي