[خالد العلي]

المشاركة الأصلية كتبت بواسطة مشعل الذايدي

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صاحبي كم حلم ودّى وخاف انه يجيب=وكم غريقٍ ..من حلا الروح صاح لعزوته !!
الف راعي كسّرت جرّته عوج النصيب=والف طيرٍ خانه الريح ..وبرقع غرّته!!
صاحبي شفت العناقيد لا صارت زبيب ؟=مثلها أحلام الفقارى تجي مستموته !
كم بناتٍ في ضلوعي بكن أخو .. وحبيب=وضاع أجمل شي فيهن وكبن حروته !
( عندي صاحب قال لي سر وقلت ابهـ الجليب=وعندي صاحب قلت له سر. وسولف لمرته ؟! )
والقريب اللي بقلبي طعني من قريب !=ماتذكر يوم يتعب وأنا أمسح جبهته ؟
ودي ارحل يم ارضٍ بها الطيب يطيب=حتى لامنّي نخيته رما لي غترته
لي معك يا حادي العيس بالماضي صحيب=وين مالقيت وجهي ..أحن لشوفته
كنت انا وياه خوّه من ايام الحليب=لافطن لي رحت اهذري وأذوب بسيرته
صاحبي كان تلومه على ترك الشعيب=بدويٍ حدّه السيل وضيع رمعته
ليه يغامر والهقاوي معه دايم تخيب=وليه يصبر وانت ادرى ..بلعنة كربته ؟
صاحبي لاصحت تكفى.. أمانه لا تجيب !=كم غريقٍ من حلا الروح صاح لعزوته ؟![/poem]

.
.
صباحك شعر
وجمعه مباركة عليك يامشعل الذايدي
وهذا البيت الـ/بين قوسين تم البناء عليه
بكل سلاسه ولم يقلل ولم تقل جمالية هذا الصباح
واكبر دليل البيت الذي يليه بيت قمة وتصوير حي

صح الله قلبك وفكرك
ودمت بكل خير