ياجرح مادامك من احباب عادي
ممنون لك ياجرح دامك من احباب
لويعزفك ياجرح مليون شادي
ماقلت بين الناس ياجرح الاسباب
ياجرح كم لك بين الاضلاع غادي
مايوم سمعتك ولاكلمة عتاب
ماهوب حبن فيك ولا عنادي
لكن غلا راعيك يفتح لك ابواب
ياجرح دامك مستقـرّ بفؤاادي
خلك كذا ياجرح مادامنا أصحاب
ياجرح خلك ضيف فوق الشدادي
ترى المعزب منك ياجرح ماهاب
أقلط على حدب الضلوع الشدادي
خل العيون إفراش ولحافك اهداب
ياجرح بلغهم تراي إمتمادي
في صدتي ياجرح ماني بكذاب
ياجرح لوطول عناي وسهادي
شبيت لك في ثومة القلب مشهاب
من شان تقنع من غثاي وجهادي
وتقنع معازيبك من جهاد الاشناب