[مشاعر تائهة]

(مسير الناس تتغيّر وربّي بيفْرْج الكربه ............وأكيد الحزن له آخر .. لآن العمر له آخر.. )

أرددّها على مسمع جروح ٍ شقّت القربه
وأحاول أغري أوجاعي تحمّل وضعي القاهر ..

زمن علّمني ما أبكي على اللي مرضي ٍ ربه
وعلى اللي مات وبوجهه رضى ربي بدى ظاهر ..

نعم آمنت إن الروح ولو عانت من الغربه
إذا كانت بحضن [الأم] بعزم الصبر بتجاهر ..

وأنا أمي تنفّسها صناعي والأمل سربه
بدى يتوارى عن عيني وأخاف إنه يجي باكر ..

أخاف أصحى وألاقيني خذيت امن القدر ضربه
ويسمّوني يتيمة أم .. وبلاها أكسر الخاطر ..

تضيق الدنيا في عيني وبال الحزن أخطر به
كلْما قلت [ يا يمه :.. لهم مستقبل ٍ باهر ..]

وانا ادري بدونك صعْب أكمّل ولا ّ أظهر به
وأكون الأم للسبعه .. بداله قلبك الطاهر ..!

بس


أنا والسبعه ابنبقى بحصار الهم والكربه
إلين الله يفرّجها ويصير إلـ هالكدر آخر ..