:
انا .. يابسمة الفجر الخجول .. ولونه الدافي
ـــــــــ تمادى بي غلاك وساقني برضاي لـ.. سجونك
يـ.. منبع رقّة الأنثى ، لو أنسج كلّ.. أوصافي
ـــــــــ أعيش فـ... شعري مقصّر ولا جاريت مخزونك
يـ.. كود مطاوع الفرقى .... وكل اللي معه لافي
ـــــــــ ( معاندك ، وتجاهل هـ.. الدموع اللي ينادونك :
امانه لا لفى صبح الرحيل فـ... قلبك الغافي
ـــــــــ تصحيه .. وتعاند مطلبه لـ.. عيون مفتونك )
كأن الصّبح لاغبّش / ونبّش .. عشقي الوافي
ـــــــــ يناافسني على لمسة شفاك ..، وصار مجنونك
و كن الطير لا غرّد .... يصحّي باقي أطرافي
ـــــــــ يقول لشمس هالدنيا على هونك على هونك !!
على هونك ترى طلعَتك تكشف سرّه الخافي
ـــــــــ وانا ماعاد فيني يا .... حبيبة لو يشّلونك ..
نسايم هالصباح لديرة غيابك / [ ترى كافي ]
ـــــــــ متى اشوف الصباح ونسمته ... لمّي يجيبونك
صباح الخير ... ولا ياصباح ٍ ناوي إجحافي
ـــــــــ صباحٍ يعزف لعزم الفراق فـ.. نظرة عيونك !!
يـ.. عشق مايحرّم به تماديّي .. وإسرافي !
ـــــــــ انا مدري انا / وش حاجتي ( يا حاجتي ) دونك
وليدة صباح ليس كأي صباح
قابله لنزف اغزر .. عندما تتجدّد الدّماء !!