[ميــرال]

الغراب اللي نعق

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ليت ها العين ضاقت بالحدق = قبل جدرانها بوجهك تضيق
والله اني صحيت من الأرق = راحلٍ لا مكان ولا طريق
ما سمعت الغراب اللي نعق = وين مثلي .. على مثله يفيق
منزلي في الطويل الي شهق =ومنزله قاعة الوادي السحيق
قالو الحاقد بدمك شرق = قلت ما أظنه لمدحي يطيق
كنه الشوك في ثوبي علق = يوذي الشوك ولا يقطع طريق
كثر ما الريح تعبث بالورق = وتوقد أغصانه الصفراء حريق
وكثر ما شوه العج الشفق = وقص من جيده عقود العقيق
وكثر ما صابني وأخطا التفق = لين ما أصحبت من خوفي طليق
وكثر ما نز في كفوفي العرق = من سلام على غير الصديق
اتركيني على باقي عبق = غيمة العطر من عمري العتيق


[/poem]