[حمد الأسمري]

صباحكم رضوان

جمعة مباركة على الجميع يارب

متواضعة علّها تجد القبول


[poem="font="times new roman,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مساء الجرح يا مُرَّ الغياب وذاكرة قلبين=من آخر موعد ٍ باتت مناديله على كرسي
ثلاث سنين والفرقى تعبّي حزنها لبعدين=ثلاث والمنسِّي مثل ما هو كذا منسِّي
ثلاث سنين والدمعة حبيسة بين جفن وبين=تعب يستوطن عروقي ويشهق في خفا نفسي
ثلاث سنين ما وقـّف على جرحي سوى نابين=ثلاث سنين والغيبة تشكّل خارطة بؤسي
ثلاث سنين وأيامي كريمة في تعب نفسين=غياب وهم يتربّع وأُس إنضاف يا أُسِّي
ثلاث سنين تبداني فصول البُعد والتأبين=ثلاث سنين تبحر بي ملامح صفعتي وترسي
ثلاث سنين ما ملت وجوه الذل والقاسين=ولا ملتني عيون ٍ تردد سالفة يأسي
ثلاث سنين والدنيا تحاول تزرع الواشين=تحاول تحرث الباقي من إخلاصك ومن حدسي
بعد حرث الغياب أرجوك يا دنيا نبي كاسين=قدرنا نحتفظ بالحب وشاهدنا طرف كرسي[/poem]