[مؤيد الغريبي]

على مسرى دواخل راسي المقمر بليا ليل ..
........ وقف .. للمنعطف .. للذاكره .. للحاضر الناسي ..

على ليل ونجم آفل وريح المستكه يا جيل ..
........ نبت ف الدفتر الاصفر عشب أخضر من احساسي

مطر من داخلي يطرق نحاس ولا يبيه يسيل ..
........ كذب ياللي تبي تطرق ألف مره .. على نحاسي

وأنا الجاهل كثر عرفي بأن العتمه بقنديل
......... وأنا العارف كثر جهلي بناسك يا بعد ناسي ..

هنا في فم هذا الحبر أصيل اصبح شتات أصيل
......... هنا في إذن هذا السطر طبله تشرب اجراسي ..

وهنا من صدري الأيسر مدينه بابها ... منديل ..
.......... كثير اللي دخلوا فيها أحد كاذب واحد قاسي

ولقيت اني افتش داخلي والقى الطفل به حيل
......... هناك ومنزوي بارد وباسه يشبه ال باسي ..

وله مبسم يطفي الشمس وعينه في سواد الليل
......... تمادى يفرش عيونه وانا اغطيه ... بنفاسي ...