بسم الله الرحمن الرحيم
على كثر الكلام اللي يجمعني ولا قلته
احسك للاسف ترمي ضروفك وانعثر فيها
تباطى لي دروب الوصل والا البعد عجلته
وتتغانم مواقيف الفراق ولا تعديها
اشوفك عازم الفرقى وحالي لو تاملته
كانك تجمع اوجاعي معي وبيدك تهديها
ترى ماني بناقص حزن فوق اللي تحملته
عيوني كان ما تقدر تشوفك يمكن اعميها
ترى صاحبك ما يروى غرامك دامك اشغلته
وعينه لو غدا شوفك دخيلك روح عزيها
تموت العين بحداد الجفون وفي مخيلته
اذا غمض يحلم انه يحط اليد بيديها
ولا يصحى ياكود ببغتة دموعه مبللته
يلاقيها في احلامه ولكن ما يلاقيها
على ارض الواقع المظلم مشى وخطاه جملته
ولكن فالهوى طعنه وغاب اللي يداويها
يضيق امن الفراق اللي يزيد بحيرة اسئلته
ولا يلقى عزى الا حبيبه كان يسميها
حبيب الروح لو تسمع كلام ما بعد قلته
قسم بالله ما ترمي ضروفك وانعثر فيها
على الود نلتقي