[خالد الحافي]

عدنا يا أبعاد

كل عام وانتم بالف خير

رغم بساطتها اتمنى معانقتها قلوبكم الطاهره

[poem="font="simplified arabic,4,blue,bold,italic" bkcolor="transparent" bkimage="" border="none,4,gray" type=1 line=0 align=center use=sp num="0,black""]الديره اللي جّوها جوّ .. خلّي=في .. خدرته .. في موق عيني قبالي

عانقتها .. ومعانقه .. ماحصلي=ضميتها بالعين شرق وشمالي

يا ديرته وينك ليالن مضلي=جيت المكان وعاد وقتن مضالي

مع لهفتي شفت الدقايق تولي=يا ساعتي دقت ثواني زوالي

يا نظرته يوم ارتبكت وفطن لي=يا دهشته يوم انّلجمت بسؤالي

يا بسمته يوم أنتبه لي .. مولي=وش كان في باله وانا وش ببالي

ليت المزون اللي ترازم تهلي=فوق المكان اللي وقفته لحالي

كانه قريب وحاجبه مسفهلي=ولا درى ..!! عن لهفتي وانشغالي

هلي عليه ايام خلً طرلي=واقفي ألذ من القراح الزلالي

دام الشوارع والمباني تهلي=وتجددك يا ماضيات اليالي

يكفي أسولفلك من اول وكلي=عن سالفة عشقي وجاله مجالي

مابه جديد ..!! الدمع مبطي يهلي=لامر طيفه كيف ..؟ وقتً صفالي

فرصه وراحت .. حيّرتني محّلي=فوتها ... يوم الجبين استوالي

يا ليتني يوم الظروف أستولي=علّيت يومن الضما جوف حالي

قصه وراحت وانّطوت ما تملّي=وانا كذا أرجع من أول وتالي

يا ديرته يوم اتّشتت بخلي=جيتك وانا اشوفه بعيني قبالي[/poem]