وش اسولف عبر حبرالقلم واهمس بسمع الطرس
وهو مايسمع الا إنفاس صدري من تنهَّادي
وش احصد له بعد طول الغياب ومابقي بي غرس
سوى جذع الجروح اللي نبت له داخلي وادي
إلى اسرجت الجواد اللي اخبر تقهقره به كرس
وأنا ما بين عجّات الهموم بصبري أنادي
عجزت آخذ من طعون الليالي يازماني درس
ولكنه مضى لي بالمكابر عزم وجهادي
ياقلبي من على ضلوع الصدرأثبت وحاول وارس
مادام أني على خبرك قوي أيمان وعنادي
عجز يثني شموخه صكّت الدنيا وضلوعي حرس
ولو ضيق الزمن والحال والاحزان تزدادي
بوَّلع للفرح شمعٍ بصدري مثل عقد العرس
وابى آصل رغم حسد البشر ياقلب لمرادي
ولّو امعارك همومي تشابه حرب عام الفرس
ولو لوّن زماني بالرمادي لوني العادي
أنا عزمي مثل قو الحدايد خل ناس الترس
لو تحساسهم عبر السبر مع جمعه أفرادي
تبّي تقول ضيق الوقت ما تقواه دامه شرس
وأنا بقول لك مازلت بالإيمان وجهادي