السلاهاااام عليكم...
تجديدا للتواصل... اتمنى ان تجد القبول....
****تاج الشعر . عطر البنفسج ****
[poem="font="arial,5,red,bold,normal" bkcolor="skyblue" bkimage="" border="none,4,gray" type=1 line=1 align=center use=ex num="0,black""]كل ماهولاح نورك من جبينك=سولف النسرين عنَك للبنفسج
تدهشين الشعر يومك تكتبينك=تنسجين اللي مهو بالسهل ينسج
بالمشاعر لابغيتي تشعرينك= إيتبرمج لك بحر ماهو امبرمج
تكتبينه والبحر يصبح سفينك= الف مدخل لك معاه والف مخرج
ذاب كف الشمس يوم تصافحينك=كن نورك في مسار الشمس مدمج
كل طهر في براءة شفتينك=يرتحل صمت الحروف ولاتهرج
بس تنفس عطرك المبهر سنينك=صار تاج الشعر بحظورك متَوج
عاد اقول الله يرحم والدينك=كل درب ٍ تسلكينه صار منهج
كل وجهاتك تجيك وتحترينك=كن مابينك وبينك شي محرج
في خيالك في مدآك إتسافرينك= في دروبك ياعساها فيوم تفرج
روعتك تسكن بهآك وتسكنينك=فيك صار الفجر عذب وصار ابلج
تضحكين وفلسفة غمازتينك=تشرح المعجز من المعنى وينضج
في غيابك كل شي قال وينك=من حظورك لن مابه شي ابهج
إن مسكتي الليل مره في يدينك= صار لك طيف الخيال الذرب مسرج
تنثرينه للمدى من راحتينك=ليش كان الشوق منك حيل يحتج
دامني والشعر حيل مدلعينك= لين بات الحلم أجمل شي منسج
أفهميني كان ودك تفهمينك= منه اللي لاحظرتي صار مبهج
تبهرين النور يومك تشعلينك= صار لك بحر الشعور العذب منهج
وإن بغيتي بالمشاعر تشعرينك= سافر النسرين في عطر البنفسج [/poem]
*
&
أرق التحااايااا
*شهاب الأحمد