[مشاري الشليمي]

.
.
.

.. يعني عشاني أعشقك ما تكلمت ..
.. تروح تتركني لـ وحدي أعاني ..

..
..

.. في ذمتي من غيبتك جد ما نمت ..
.. متعلق ٍ بين الرجا و الأماني ..

..
..

.. يا سيدي لـ عيونك السود سلمت ..
.. عمري وغنيت بـ غيابك أغاني ..

..
..

.. ياما على شانك تحملت وأقدمت ..
.. وأطلقت لـ عنان القصايد حصاني ..

..
..

.. أهيم في طيبتك لا من تبسمت ..
.. وأقول هذا صاحبي الأولاني..

..
..

.. وأنا بعد غيبتك أعلنت وأجزمت ..
.. لا مر طاريـّـك بكى زعفراني ..

..
..

.. لا تحسب إني في فراقي تولمت ..
.. أنا على الفرقا رماني زماني ..

..
..

.. هذا هدوئي طالعه لو تكرمت ..
.. بـ تعرف وش كثر أكتبه ما قراني ..

..
..

.. يا سيدي في غيبتك لو تندمت ..
.. عيا يبوح اللي إحتفظ به لساني ..

..
..

.. والحين جاوب خافقي لو تكرمت ..
.. منهو عطا فينا ؟ ومنهو أناني ؟ ..