[بدرالموسى]

علنا نستطيع



[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا يمه وانخنق صوتي وتكبر في الحزين الآه = ويصغر كل شي غيرك وغيرك ما سكن عيني

يا يمه جيت أبكتبلك من أبيات القصيد أغلاه = ورتبت المشاعر لك وجيـت بكـل مـا فينـي

يا يمه وانخنق صوت القصيد وأشـر بيمنـاه = نطق من هيبتك حرفي يقول ارجوك تعفيني

وقال شلون بكتبها وكيف الهون لي ترضاه = تحت أقدامها الجنه يا عمـي وينهـا ووينـي

يا أطيب قلب بالدنيا وأطهر حب قـد عشنـاه = وأعذب أسم رددتـه وشمتـه فـي شرايينـي

يايمه كل ماألمح يتيم يهزني ببكاه = عسى يومي قبل يومك فدتك الروح وسنيني

وطن ياأم في حضنك تلاشت دمعتي وياه = بضيع بحضنك الدافي دخيلك لاتدوريني

يايمه آمري وانتي لعينك كل شي اقواه = ابي ارضيك يايمه مدام العمر يمديني

انا همي بهالدنيا رضاك وبّرك اتمناه = ولو شلتك على راسي تمنيتي تشيليني

حنانك عطفك وطيبك حنينك عندي وش يسواه = يساوي عندي الدنيا وأحـس الكـون بيدينـي

وكيف أنسى سهر عينك ودمعك كيف أنا بنساه = مرضت وجرّح عيونك سهر وأنتي تداويني

كبر طفلك علـى يـدك بـدا يتعثـر ببمشـاه = الين المدرسـه وأنتـي تودينـي وتجيبيني

حفظت الدرس والواجب تسمعيلي وانا أقراه = طلعت الأول بصفي رفعتي هامتك فيني

يا يمه مهمـا قدمنـا وأكبـر شـي سوينـاه = أظل مقصر بحقك يا ليتـك لـو تعذرينـي

وانا هاللحظه اعلنها واشهدكم امام الله = انا كلي فدا امي الين الموت يدعيني[/POEM]