[خالد الداودي]

المشاركة الأصلية كتبت بواسطة إبراهيم الوافي

بانتظاركْ ..
تجمعين الوقت .. فـ..ـشفاتي جريدةْ ..
تكتبيني ..
تشطبيني ..
نترك الصفحة قصيدةْ .. !
يا عنيدةْ ..
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!
تعرفين وتدعين ..؟!
تنكرين ْ .. .. ؟!
إنْ كل الوقت مني ..
وانْ نوم الليل عني .. !
نجمتين وانكسار ..!

***

بانتظاركْ ..
آه .. لو تدرين وش معنى انتظارك ... !
يمكن يكون الغياب .. وحزني افبابه .. قراركْ ..!
يمكن اني مرّة ابـ..ـغفلة ظلمتك ...
وكان هذا اللي يزلزلني مع الساعات ثارِك ..!
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة افــ..ــداري ..!
آه لو تدرين وش معنى انتظارك ...
مثل ما تدرين وش معنى انكساري ...

**

اسمعيني ..
كل مافيني حنيني
الطريق اللي تدلِّيني عليه ..
يضيعْ فيني .. !
والمحلات الكثيرةْ .. فالشوارع ..
كلها تبـْ تشتريني ..!!
واشتريْتِكْ...
( كوب قهوة ) ثاني ... أو عنوان بيتكْ ..!
ما أدلّه ...
لو تحرّيتك .. بركنه ..
يمكن اني صرت كلّه !
واحتريتكْ ...
ذاك بيتِكْ ... لا .. أظنه ذاك ... يمكن لو أقلّه .. !
وينك انتَ ؟ ...
كان جاوبني بظِّله ..!
آه .. لو تدرين وش معنى انتظارك ...
سيرتي والظل ..
واوهام الطريق .. وباب دارك ..!

هذه التفعيله غنائيه
ما يميزها انك اقرب الى لحظة الصدق في ذات القاريء والشاعر
كثيرا ما اجد قصائد تفعيله طويله
ولكن يعيبها ترابط الفكره والموسيقى الداخليه للنص
هنا انا امام شاعر جميل يعرف العزف جيدا لدرجة انك لا تحس بطول القصيده
وانت في ذهول تام امام خيالك وانت تقرأها

ليس ثمة اطراء هنا بقدر ما هو انطباع قاريء اعتاد ترك عينينه على النصوص

شكرا لك بحجم الغيم