[عبدالعزيز رشيد]

لـ [نور سالم]
رغم أنني أحب قراءة شعرها لكن لم يسبق لي وأحببت الرجوع والقراءة مرارا وتكرارا لـ نصّ لها كـ هذا النصّ بالذات.

هاتي لي _ الكوب والكافين
ــــــ والنور : وطي لي من ضيّه
وأن دقت الفاضيه : نسرين
ــــــ قولي لها ماني ابـ/ فيّه !
والباب اخذيــه بل ايدين
ـــــــ ايديني اليوم مو هيّه.
ابرتشف وحدتي : من حين
ــــــ مالي سوى وحدتي ليّه
ان رحت منّي بروح لوين ؟
ــــــ وان جيت أبلقاني : هنيّه
نفسي / ونفسي بها ضدين !
ــــــ لائي تنازع بيّ الـ / ايّه .
يمكن رضخت لحدى الوضعين
ــــــ واصبحت افرض على النيّه !
يمكن تعثرت بين وبين
ـــ واحترت فـ/ـ الشمس ! والفيّه !
يمكن خذاني بكى كهلين !
ــــــ وانحزت للطين والميّه .
ومروني الناس مغتربين !
ــــــ أجناب / واصحاب / وبنيّه
كانت تقول الوطن من وين؟
ــــــ كانت تفتش عن احجيّه
وكنت ارسم لجوعها صحنين
ــــ واطعم سراب الحكي = غيّه
من يومها / و السؤال ! سنين
ــــــ تكبرني وانحني بيّه !