[نواف التركي]

ياصاحبي كل واحد عارفٍ قـدره
لاعوّدت للصحيح يبيّـن الخافـي

ناسٍ تصفّط حكي ووجيههـا ودره
ماعاد يعرف بها مخلوطٍ وصافـي

خل الرجيلي يناقز عند هالخـدره
لا يشغلك طردة الهافي ورى هافي

يا كثر شعّارنا والشعر بـه نـدره
قليل تلقى شعورٍ صـادقٍ وافـي

من شفت ساحاتهم للدون منحدره
سنّدت يم الغياب وقلت يـا كافـي

غنّيت ياسدرة العشـاق ياسـدره
ما مرّك البدر ينسف ليله الضافي

ردي على واحدٍ زابنك في صدره
أهٍ وجعها من البارح وهـو لافـي

لليوم عيّا يفارق ضيقـه وكـدره
وأنتي مثل حالته يلعب بك السافي

لو في يديني على هذا الزمن قدره
ما ضاع مستقبلي وأنا أنظر خلافي