[خالد الداودي]

حوّل قلمه الى ابره ، فأخذ يخيط وجعه الخاص حتى تشكلت ديباجته
هي لكم الأن وله بياض اكفانها :::::

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/13.gif" border="none,4,gray" type=1 line=0 align=center use=ex num="0,black""]والشعر ينسج من خيوطك يالعنا =ديباجة العاشق وموت المُتعبين

تعبت اخيّط من نسج فكر المُنى=بشاشـة الكفن ومـداد الغافلين

كانت جلابيب المساء تشكي الفنا=لين اكتست بالصبح ظلمة راحلين

في خطّوةٍ قفّّت عن دروب الهنا =لو هي مسافة قلت يارجل اركضين

جيتك من النسيان بي عشق انحنى=ما مل ثقل الثوب في كتف اليدين

قلت اشحذ الهمه واقّرب لك سنا=قبل اطفي الحب المعّتق بالحنين

شتات حلم لو غرسته ما جنى=وردٍ وابي فيّـه بعد حر السنين

الماي من عرقي وجيت اروي هنا=عطشا الشعور الحر مختال وحزين

والشعـر يُنسجني خيـوط للعنا=يا دودة القز الطري ما تتعبين ؟

زخرفت لك حلمٍ تكّحـل للمُنى=سواد من قهوة صباح الحالمين

واليوم انا مجهول له اليوم انا=ملامحي اكبر من طعون السنين[/POEM]